Градоначалникот на општина Прилеп, Борче Јовчески, преку соопштение на ФБ информира дека општината издвоила 1.200.000 денари, наменети за социјално ранливи категории на граѓани, односно за наши сограѓани кои по разни основи имаат потреба од финансиска помош: за лекување, за егзистенција, за набавка на лекови и слично.
-Годинава доделивме еднократна финансиска помош и им помогнавме на повеќе од 200 семејства, со различна висина на средства, во зависност од барањата и можностите – напиша Јовчески.
