-СВР Битола поднесе кривична пријава против И.Ѓ.(39) од Битола и А.Д.(37) од Прилеп поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.
На 19.03.2025, полициски службеници извршиле контрола на патничко возило „хјундаи“, при што првопријавениот се обидел да избега и притоа фрлил кеса со кокаин и метамфетамин, но набргу е фатен и лишен од слобода.
Потоа, извршен е претрес во домот на второпријавената, која го користи со првопријавениот, при што биле пронајдени и одземени пневматски пиштол, дигитална вага и пари во различни валути и апоени – информираат од СВР Битола.