Во најновата колумна за минатонеделните дневно-политички случувања во Прилеп, новинарот Зоран Момироски се осврна и на состојбите во американската фабрика “Гентерм”, која се наоѓа во технолошко-индустриската зона “Алинци”.
-Дали на Прилеп му престои нов шок-бран на отпуштање од работа?! Оние што знаат веројатно мудро молчат и не кажуваат. Неофицијално и во рамки на шпекулации познавачите на приликите тврдат дека ,,Гентерм,, е новата ,,шок бомба,, за градот. За три месеци завршуваат 10 години државни привилегии за странски инвестиции.
Таму се врши целосна реорганизација и голем дел од производството ќе биде дислоцирано во Мароко и Украина. Се очекува да се намалат сите работни места со продуктивност околу 60 %, а ќе има и селекција на оние од 90%. На вработени им се нуди работа во Мароко, што не е реално за нашите работени, а тоа значи ,,сами да си ја стават јамката околу вратот,,.
Инаку пред 10 години кога започна да работи ,,Гентерм,, во ТИРЗ зоната имаше околу 2800 вработени. Покрај од градов беа ангажарина и работници од Битола. Со тек на време овој број е намален на 1900 луѓе, а неофицијално бројот на постојани работници бил позициониран на 1000. А по монтажата на современа технологија за производство што се префрла од Чешка во Прилеп крајниот број на вработени во ,,Гентерм,, најверојатно ќе биде околу 700.
Целата колумна на Момироски прочитајте ја ТУКА