По шести пат вчера во Прилеп се отвори традиционалниот Фестивал на медот кој е во организација на прилепското пчеларското здружение „Братство“. Овој фестивал годинава е лоциран пред старата прилепска чаршија, и е своевидна промоција на здравата еколошка храна која за жал е се помалку присутна на трпезиите и преставува одлична можност за избор и дегустација на пчелните производи кои се своевидна лек – исхрана. Фестивалот свечено го отвори градоначалникот Марјан Ристески кој уште еднаш ја подвлече важноста од здравата исхрана како основен предуслов за правилен психофизички развој и ги покани граѓаните да дегустираат и изберат од широката понуда на мед .
