Иницијативата Јавен простор Прилеп претставува проба да се оживее централното градско јадро преку претставување и креирање на идејата дека јавниот простор треба да биде заедничко културно, рекреативно и социјално добро на сите граѓани, платформа за размена на идеи, мисли, искуства, предизвици, производи итн.
Јавен простор е јавна агора која инспирира и иницира креативност, иницијативност, одговорност, филатропија, волонтерство, инклузивност и сл.
Целта на оваа иницјатива е Јавен простор да прерасне во концепт по кој Прилеп ќе биде претпознатлив и повторно ќе ја изгради и врати позицијата на автентично и инспиративно место за живеење, дружење и творење.
Првиот настан “Ноќ на евергрини” кој се одржа по градскиот часовник беше доказ дека оваа иницијатива ќе му понуди на Прилеп нешто поразлично и нешто досега невидено во прилепската Стара чаршија.
Веќе во неделата се одржа уште еден музички спектакл! На истата локација повторно се собраа стотици луѓе и уживаа во хитовите од 80-тите години.
Целата прилепска чаршија ечеше од добра музика, а прекрасни луѓе имаше насекаде.
Затоа ова “Јавен простор Прилеп” ги заслужува сите аплаузи и сите честитки. Веруваме дека ќе продолжат во ист ритам и ќе продолжат да не радуваат со вакви настани.
Во продолжение ви пренесуваме дел од атмосферата која ја приредија “Децата со наочарите”:
