Претседателот на Република Македонија, Ѓорге Иванов, за време на денешна средба во Вила Водно, на Папата Франциск му подари резбан албум со авторски фотографии од христијанското културно-историското наследство на Македонија.
Станува збор за албум со авторски фотографии, избрани лично од претседателот Иванов, а врз основа на концепт на релевентни македонски експерти од областа на духовното и културно-историското наследство на Македонија. Фотографиите се укоричени во резба изработена од охридски копаничар.
Албумот содржи 153 фотографии низ кои е претставен дел од милениумската христијанска историја, традиција и уметност во Македонија.
Меѓу нив има ранохристијански мозаици и базилики, средновековни цркви, фрески, икони и ракописи, како и резбани иконостаси од македонските манастири.
