Тешка сообраќајна несреќа се случила вчера (27.08) околу 14ч. на улицата “Бидимаж” во Прилеп во која едно лице завршило со потешки телесни повреди.
Според информацијата и фотографиите кои ги добивме од наш читател, возач на автомобил “голф 3” со прилепски регистарски ознаки, со голема брзина според засега непознати причини удрил во паркирано возило “шкода октавија”.
Oд ударот возачот кој имал околу 30 години, се здобил со тешки телесни повреди констатирани во Градската болница “Борка Талески” Прилеп.
Од фотографиите се гледа дека е причинета голема материјална штета на двете возила.
