Благодарение на Општина Ресен и градоначалникот г-н Јован Тозиевски, како и на здружението “Преспа Бајк”, после пауза од две години Ресен и Преспа повторно бea во знакот на адреналинот, под мотото – „Ајде шана мана под Галичица“.
Годинава забележително беше бројното учество на сите настани, а интерес имаше и за новите интересени содржини како:
▪️ноќната трка низа градот Ресен (Ресен трчаТ) во должина од 5км и
▪️летање со параглајдер, т.е спуштање од височините на убавата и живописна Галичица.
Не изостанаа и традиционалните дисциплини: планинарењето до највисокиот врв “Магара”, велосипедската тура, која стартуваше од плоштадот “Цар Самоил” во Ресен, па сè до височините на Галичица, како и рекреативна тура Стење-Коњско, со посета на Змискиот остров со чунки.
Ресен и Преспа овие денови се промовираа како одлично место за OUTDOOR случувања и развој на адреналинскиот и езерски туризам, и сето тоа зачинето со многу забава, дружење, авантури…
-Се гледаме в година со нова енергија, нови содржини и уште поголема масовност – порачуваат организаторите.