Викендов во спортската сала “Македонија” во Прилеп се одржува панаѓур, на кој се продава се’ и сешто.
Токму тоа секогаш ги лути прилепските дуќанџии и трговци во Старата прилепска чаршија, кои се гневни на одржувањето на вакви пазари.
“Наместо сите подеднакво да се бориме за лебот и заработката, се чини некои трговци се повластени и без давачки заработуваат на нашиот грб”, вели еден дуќанџија за Маркукуле кој ни ги испрати фотографиите.
Дуќанџиите велат дека ова е нелојална конкуренција, која мора да се запре или пак давачките кои важат за нив да важат за сите.
