Прилепската железничка станица светнува во ново руво. Свежа фасада, нова дограма, столарија, нови санитарни јазли, затоплени и реновирани чекални, се само дел од новите услови кои ќе им бидат на располагање на патниците на Македонски железници. На фотографиите може да се види и новото плато, осоверемени перони, а ќе се постави и ново осветлување. Низ разговор со работниците на фирмата изведувач Виа Вевчани дознаваме дека целокупните активности околу железничката станица во Прилеп ќе завршат до крајот на месецот.
