Македонската фудбалска репрезентација ги доби силните Италија и Англија за ривали на патот кон пласман на Европското првенство 2024 кое ќе се одржи во Германија.Освен финалистите од минатото европско, во група со Македонија ќе бидат Украина и Малта.
Натпреварите почнуваат во март, а завршуваат во ноември, додека ќе има и плеј-оф натпревари од Лигата на Нации кои ќе се играат во март 2024 година, со кои ќе бидат комплетирани учесниците на ЕП.
Само првите две селекции од секоја група одат директно на Европското првенство, додека другите позиции ќе бидат комплетирани преку Лигата на Нации.