Со особено задоволство ја информираме јавноста дека денес, во нашата болница, беше успешно изведена втората сложена хируршка интервенција на рбетниот столб, повторно на лумбалниот сегмент. И оваа интервенција претставува важен чекор во континуитетот на развојот на ортопедско-хируршките услуги во нашиот регион – информираат од болницата “Борка Талески” на социјалните мрежи.
-Операцијата беше реализирана од Д-р Игор Мерџановски, во координација со колегите од Клиниката за ТОАРИЛУЦ, тимот од Одделението за ортопедија и трауматологија при нашата болница во Прилеп, како и анестезиолозите Д-р Маргарита Пирганоска и Д-р Александар Димитровски. Интервенцијата помина успешно, уредно и без компликации. На пациентот му посакуваме брзо и целосно закрепнување. Со оваа втора успешно изведена операција, уште еднаш ја потврдуваме нашата посветеност кон децентрализација на здравствените услуги и обезбедување квалитетна здравствена грижа поблиску до пациентите – стои во соопштението од прилепската болница.
