Младата Маја Марија од Прилеп ја започна својата музичка кариера со нејзиниот прв cover на YouTube. Пред три месеци Маја Марија зеде втора награда на Меѓународниот арт фестивал, а сега се појави со нешто ново и уникатно.
Новиот cover е сплет од две англиски песни и е првиот проект кој Маја Марија го изведи по нејзина замисла.
“Најголема желба во животот ми е да успеам во музиката, но како секој музичар до сега одам чекор по чекор до целта. Целта на овој проект е да стекнам публика и да се претставам себе си. Понатаму би сакала да извадам, а можеби и да напишам своја авторска песна.’’, вели младата изведувачка од Прилеп.
“Интересно за мене е што сум љубител и на македонската музика. Сонувам дека еден ден ќе испеам нешто македонско кое ќе биде хит во Македонија со години, па и на тоа работам сега. Задоволна сум со својот успех до сега, а до следиот мој проект уживајте во овој”, додава Маја Марија.
Maркукуле и’ посакува огромни успеси на нашата млада прилепчанка во иднина, а следниот музички проект го очекуваме со нетрпение.