На 17.02.2024 во Пирот Србија, се одржа Првиот Меѓународен Турнир во џудо “Победникот на Пирот” во организација на ЏК Ипон – 010 од Пирот Србија.
На овој Турнир учество зедоа околу 360 натпреварувачи од 7 држави и тоа: Србија, Црна Гора, Грција, Романија, Бугарија, Молдавија и Македонија.
Џудо клубот Сеишин-Прилеп зеде учество со 5 натпреварувачи, а освоени се 3 бронзени медали:
1. Марио Конески 3- то место
2. Тамара Илиоска 3- то место
3. Теодора Илиоска 3- то место
Одлични борби прикажаа Владан Стрезоски и Ване Ацески кај помладите пионери, но не успеаја да се изборат место на пиедесталот. Екипата ја водеа тренерите Мартин Ристески и Марио Тошески.
Ова беше прв меѓународен настап на членовите на СЕИШИН за оваа година. Веќе од наредниот викенд започнуваат настапите и на Државните Првенства.