-Општина Кавадарци во соработка со Сојуз на спортови и Општински сојуз на училишен спорт и оваа година продолжува со организирање на бесплатна школа за пливање за деца на возраст од 7 до 10 години. Школата ќе започне со обука во петок на 23.06., заедно со отворањето на Градскиот базен. Сите заинтересирани дечиња кои сакаат да учествуваат на овие обуки можат да се пријават во петок во 9:30 часот на градскиот базен – напиша на ФБ градоначалникот на општина Кавадарци, Митко Јанчев.