Тимот на РК Прилеп ја продолжува традицијата и ова лето ќе го организира меморијалниот турнир „Миле Нешкоски“.
Ова лето ќе се одржи деветтото издание на турнирот посветен на прилепската легенда со учество на домашни и странски екипи.
Од клубот информираа дека годинешното издание на меморијалниот турнир „Миле Нешкоски“ ќе се одржи во периодот од 29.08 до 01.09.2024.
Во првите два дена како и секогаш ќе бидат одиграни натпреварите по групи, додека на последниот ден ќе се игра за пласман.
Во ланското издание победник на турнирот втор пат по ред беше екипата на Дубочица од Србија.
-Покана до сите љубители на ракометот да присуствуваат и да уживаат во ракометните игри. Наскоро ќе бидат објавени сите детали околу турнирот – се вели во соопштението од организаторите.