Aлександра Трајческа ја познаваме по одличните настапи на музичкото талент шоу “Пинкови ѕвездички”. Младата пејачка од Прилеп полека но сигурно израснува во врвен изведувач, а тоа го докажува со секој нејзин нареден настап.
Александра минатиот месец на 20.04, настапи на Регионалниот натпревар на училишни хорови и солисти кој се одржа во просториите на гимназијата “Мирче Ацев” во Прилеп и обезбеди пласман на државниот натпревар, што ќе се одржи на 10.05.2019 во Скопје.
Инаку, Александра е ученичка во деветто одделение во ООУ “Koчо Рацин” во Прилеп, а на овој натпревар беше под менторство на наставничката Белинда Ристеска.