На 13.12.15 (недела) во Прилеп се одржа Државното eкипно pрвенство во Џудо. Екипата на Пролетер совладуваќи ги Миоки од Скопје и Сеишен од Прилеп, стана Екипен шампион во Р. Македонија во сениорска конкуренција за 2015 година. Екипата беше составена само од членови на матичниот клуб, додека во другите екипи имаше и членови од Бугарската џудо рептрезентација, кои беа земени на позајмица за ова натпреварување. На сметка на тоа џудистите на Пролетер одлично си ја обработија својата работа и го оставија срцето на татамите. За приматот екипни прваци заслужни беа: Велески Никола 60кг, Ангелов Борче 66кг, Крагуески Бојан 66кг, Паноски Марко 73кг, Илиоски Младен 81кг, Стојаноски Владимир 81кг, Димитријоски Александар 90 кг.
Истиот викенд додека сениорите се натпреваруваа во Прилеп, под раководство на искусниот селектор и тренер на Пролетер Димитријоски Славе во Софија, на меѓународниот турнир Олимпиа, можност имааа да настапат и најмладите џудисти кои во силната конкуренција од 400 натпреварувачи се вратија со 8 медали. Најуспешни беа Петрески Мартин до 27 кг и Кироваков Марко 30кг, при што во финалето ги совладаа противниците од Грција и Бугарија. Сребрени медали освоија Павлоски Михаил 30кг и Димеска Теодора до 44кг. За трето место (бронзен медал) најдобри беа Галески Тадеј 27кг, Самарџиоска Марио 48кг, Спиркоски Давид 42кг, Георгиоски Јордан 50 кг.
