Коста К.(13), момчето кое пред два дена во ОУ „Владислав Рибникар“ уби осуммина негови врсници и училишниот чувар Драган Влаховиќ и рани седум лица, детално го испланирал страшното убиство, но и како да избегне затвор, покажа вештачењето на неговиот телефон.
Како што е утврдено, момчето-убиец го планирал масовното убиство еден месец, а она што било откриено со прегледување на неговиот телефон е застрашувачко – Коста К. свесно извршил убиство на своите врсници и училишниот чувар бидејќи непосредно пред злосторството, тој го пребарувал Кривичниот законик на Србија на Интернет за да истражи дали децата можат кривично да одговараат.
-Врз основа на неговата истрага, заклучено е дека нападот во училиштето го организирал сега бидејќи знаел дека до 14-тиот роденден му преостануваат уште нешто повеќе од 2 месеци и дека не останува уште многу време до возраста за која би поднел кривичната одговорност доколку стори кривично дело, рече извор запознаен со случајот.
Исто така, како што беше утврдено, Коста К. гледал американски блокбастер за масакр во училиште во Америка ноќта пред масовното убиство. Неколку часа подоцна извршил страшно злосторство.
Како што изјави Веселин Милиќ, шеф на управата на Град Белград по трагедијата, тој рече дека ова е огромна човечка трагедија. Тој нагласи дека целото злосторство се подготвувало еден месец.
„Пукал Коста К. Убиени се осум ученици, седум девојчиња и едно момче“, рече тој и додаде дека целото злосторство го подготвувал еден месец.
-Ова е месец дена планирано за извршување. К.К. долго време го планирал, не го откри мотивот. Го зел огненото оружје од сефот на татко му и го донел со четири молотови коктели, рече тој.
Милиќ на конференцијата го покажа и списокот што го нашле во станот на момчето убиец. На него биле испишани имињата на учениците кои планирал да ги убие. Покрај тоа, тој имал прецизен план на училиштето, со означен влез и излез.
Сè што досега е утврдено во истрагата за невидената трагедија покажува дека Коста Кецмановиќ планирал да ги убие своите врсници и училишниот чувар.
Тој не бил под дејство на алкохол или психоактивни супстанци, а уште позастрашувачки е што за време на полицискиот распит, освен што не се кае за стореното дело, се однесувал дрско додека зборувал за жртвите.