Обилните врнежи, грмотевици и град со големина на орев оштетија домови, автомобили и патишта низ цела Србија, додека молњите предизвикаа шумски пожари.
Во Србија пристигна долгоочекуваното заладување, но невремето пропратено со силни ветрови, обилни врнежи, град и удари од гром вчера предизвика хаос во целата земја. Метеоролозите најавуваат дека следните пет дена ќе биде нестабилно време, со врнежи од дожд, град, грмежи и засилен ветер.
Имено, жителите на северна и централна Србија вчера беа сведоци на катастрофални сцени од невреме, кои ретко се гледаат, а на социјалните мрежи споделија речиси апокалиптични слики и видеа.
