Од денес, Општина Прилеп започнува со градежни активности со цел подобрување на патната инфраструктура во градот – објави на својот ФБ градоначалникот на општината, Борче Јовчески.
-Во рамките на овие градежни активности ќе се реализира:
-Санација на ударните дупки и прокопи,
-Рехабилитација на повеќе улици и патишта,
-Ќе се изгради потпорен ѕид на улицата ,,Прохор Пчински” во населбата Рид – за зголемена безбедност и заштита на граѓаните.
Продолжуваме со посветена работа за создавање на подобри услови за безбедно движење на сите учесници во сообраќајот.
Ова е дел од нашата поширока заложба за системско уредување на инфраструктурата во сите делови на градот. Работиме планирано, етапно и со јасна визија – за Прилеп да биде модерен, уреден и безбеден град за сите – напиша Јовчески.
