Честитка по повод Христовото Воскресение – Велигден од заменик министерот за економија и труд, Марјан Ристески:
-На сите верници од православна вероисповед им го честитам најблагословениот ден, најголемиот христијански празник Велигден – Денот на Христовото Воскресение!
Посакувам овој голем ден да го исполни сечиј дом со здравје, радост и неизмерна среќа.
Светлината на овој празник нека биде инспирација да живееме со делата на љубовта.
Преку пораката на љубов и разбирање која ја носи овој величествен христијански празник, да го избереме патот на почитувањето и помагањето… патот кој ќе донесе Божји благослов и благодат за секој од нас.
Да ја празнуваме Велигденската радост на најголемиот настан, да ја негуваме безусловната милост и да чекориме по патот на духовниот мир.
Молитвено да посакаме благодатта на Христовото воскресение да биде извор на трпение и надеж, а нашите срца да ги исполни со истрајност и хармонија.
За многу години!
ХРИСТОС ВОСКРЕСНА!
НАВИСТИНА ВОСКРЕСНА!