Фото/ohridnews.com
Прилепчани викендов одново поразени, овојпат на гостувањето кај РК Охрид и тоа со огромни 16 голови разлика (12-4 на полувреме, крај 35-19).
Со овој нов пораз РК Прилеп останува забетониран на 8-то место на табелата во ракометната Супер лига, каде под нив се само екипите на РК Вардар Јуниор и Борец.
Веќе долго време прилепчани немаат причина за радост и во овој спорт, кој пред неколку години полнеше сали во градот.
За жал на ракометарите од РК Прилеп сега им останува само борбата за опстанок во најелитното ракометно друштво.
Потсетуваме дека пред само 3 години, РК Прилеп настапуваше на европско тло, каде имаше двомеч дуел со швајцарскиот тим Винтертур во ЕХФ Купот.
Љубителите на спортот во Прилеп, деновиве на социјалните мрежи потсетуваат на ветувањата за спортот, дадени од актуелниот градоначалник Јованоски.