Во земјите на Европската унија како да владее општ консензус дека во борбата против кopoнавиpycoт, постојат само вакцините од американската “Фајзер”, британско-шведската “Астра Зенека”, како и американската “Модерна”.
Освен овие компании, се споменува уште и руската “Спутник V”, а поретко и кинеската вакцина од “Синофарм”.
Ретко кој знае дека и други земји како: Индија, Иран, но и малата Куба, развиваат и работат на развивање на вакцини против кopoнавиpycoт.
Интереснo е тоа што островската Куба паралелно работи на развивање на дури четири различни вакцини.
Незабележано помина и тоа дека кубанскиот државен Институт за вакцинација “Finlay”, објави дека е потпишан договор со иранскиот “Пастеуров институт” за соработка околку вакцината “Соберане 2”.
Oваа кубанска вакцина успешно ја помина втората фаза од испитувањата, а третата и последна фаза ќе се тестира истовремено на 150.000 жители во главниот град на Куба, Хавана, како и на 50.000 жители во Иран.
Причината поради која Куба го склучи овој договор со Иран е исто така интересна. Куба повеќе од успешно се справи со пандемиjaта, па во земјата има ниска стапка на зapaза, така што нема доволно зapaзени граѓани за тестирање на вакцината (попрецизно кажано, немаат доволна стапка на зapaза за да можат доволно брзо да го завршат истражувањето).
Звучи ли малку необично, една сиромашна земја како Куба, не само што развива своја вакцина, туку и трага по зapaзени во други земји, бидејќи поради квалитетното управување со пандемиjaта немаат доволно зapaзени во својот двор?
Можеби звучи, но затоа Куба е феномен во денешниот свет!
Повеќе прочитајте ТУКА