Со донесени околу 9.000 решенија за легализација на диво изградени објекти Прилеп е лидер во Македонија кога станува збор за спроведувањето на овој закон. Денеска повторно беа доделени нови 62 решенија за легализација на дивоградби.
„Подолжуваме интензивно со процесот на легализација, практикуваме на крајот од секоја недела да се доделуваат нови вакви решенија. Прилеп и понатаму останува лидер во Македонија со легализирани над 9.000 вакви објекти. И понатаму ќе продолжиме со ова темпо, а од друга страна тоа укажува на големата ефикасност на локалната самоуправа, односно секторот за урбанизам кој е задолжен за легализацијата. Исто така тука имаме голема ефикасност на државниот и приватните катастри, но за овие добри резултати секако се заслужни и самите граѓаните на општина Прилеп и нивната голема иницијатива што побрзо да си ги легализираат своите дивоизградени објекти. Со ова граѓаните добиваат многу, затоа што голем дел од нив после децении добиваат имотен лист за своите објекти“, изјави Марјан Ристески, градоначалник на Прилеп.
Од вкупно поднесените 15.367 барања во 2011 и 3.100 во продолжениот рок во 2016-та, Општина Прилеп одговорила на дури на околу 9.000, со што ефикасноста на проектот засега е над 60%.
