Прилепскиот лобист Бране, брутален кон јавниот обвинител (ВИДЕО)

Ако главниот обвинител Коцевски сам не си поднесе оставка, ќе докаже дека е на функција само да ги спасува СДС од одговорност – истакна на денешната прес конференција, пратеникот од ВМРО-ДПМНЕ, Бране Петрушевски.

Прес конференцијата на Претрушевски во целост ја пренесуваме во продолжение:

-Главниот обвинител Коцевски доби два црвени картони, првиот од народот директно кој нема доверба во него ниту 2% и вториот од народот преку пратениците со интерпелацијата.

Главниот обвинител Коцевски е свесен дека народот не му верува, и дека со ништо не покажал дека се труди тоа да го смени.

Единствено нешто кое што Коцевски го прави, е да се држи до СДС, кои мораа да ја напуштат глумата на мачка и глушец, и да се соголат целосно, јавно бранејќи го во Собрание.

Го прашуваме лично главниот обвинител Коцевски, нели се срами кога СДС мора да го бранат? Или тоа природно му доаѓа како контра услуга за сите функционери кои им ги спаси од кривична одговорност?

Како може Коцевски да продолжи да биде главен обвинител, кога знае дека ниту еден случај за кој во изминативе години имаше низа докази излезени во јавноста не обезбеди пресуда?

Дали за еден обвинител како Коцевски е поважно да биде потрчко на Заев и Филипче, отколку да работи за граѓаните?

Доколку Коцевски има грам доблест, ќе си даде оставка веднаш, затоа што кредибилитет одамна нема.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.