Ракометарите на РК Прилеп со реми против Пролет ја стартуваа новата сезона во Супер лигата. Крајниот резултат на семафорот беше 30:30 (18:18 на полувремето).
Натпреварот започна со голема иницијатива на гостите, кои во еден момент имаа водство од 5:10, што беше и аларм за будење на прилепчани, кои со серија од 8:3 се вратија во натпреварот. До крајот на полувремето, како и до крајот на целиот натпревар главно се играше гол за гол, се до конечните 30:30.
Кај домаќините најдобар беше капитенот Христи Бикоски, кој постигна 6 погодоци, а го следеа Пеце Ратајковски и Томислав Квастек со по 5.
Кај гостите Александар Василевски дури 10 пати ја наоѓаше мрежата на прилепчани.
Она што загрижува е фактот дека и оваа сезона ракометарите на РК Прилеп ја започнаа во училишна сала, и се’ уште чекаат на враќање во домот на ракометот – Универзалната сала.
Во наредното коло прилепчани му гостуваат на Куманово.