Почит за Македонците во Австралија! Се обединија и собраа над 87.000 долари за помош за Кочани

Македонскиот фудбалскиот клуб од Австралија Рокдејл Илинден, информираше дека, заедно со поддржувачите на клубот и нашинците, успеале да соберат 87.100 долари, средства кои ќе бидат наменети за донација за семејствата на настраданите и повредените во кочанската трагедија.

Соопштението од клубот во целост го пренесуваме во продолжение:

-Со задоволство потврдува дека ние заедно со нашите партнери, собравме 87,100 долари за Кочани.

Сите средства ќе ги префрламе на номинираните поединечни банкарски сметки на семејствата на жртвите и повредените во трагичниот пожар во Кочани, Македонија.

Овој масовен поход немаше да биде возможен без прекрасната поддршка од голем број наши корпоративни партнери. Немаме намера да ги именуваме поединечно.

Исто така, бевме поддржани во нашето собирање средства и поздравивме значителен придонес од следниве поврзани организации,
· Australian Macedonian Association – Metodija Andonov – Cento, Sydney
· MKUD Ilinden – Sydney
· Mariovo Sydney
· Bankstown City Lions FC

Би сакале да им се заблагодариме на сите поддржувачи и членови кои присуствуваа на минатата недела и кои донираа.
ФК Рокдејл Илинден упатува молитви и искрено сочувство до семејствата и најблиските на сите починати во овој трагичен настан.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.