Германскиот канцелар Олаф Шолц, лидер на Социјалдемократската партија (СПД), ги опиша изборните резултати како „горчливи“ за неговата партија, нарекувајќи ги „пораз“.
Излезните анкети покажаа дека СПД е на третото место, освојувајќи меѓу 16 и 16,5 отсто од гласовите.
Обраќајќи им се на поддржувачите во Берлин, Шолц рече дека ова е моментот „во кој мора да признаеме дека сме ги загубиле изборите“.
Тој потсети дека СПД на претходните избори постигна подобар резултат за кој тој беше одговорен, додавајќи дека овој резултат е полош и дека тој лично е одговорен и за тоа.
Шолц му честиташе на Фридрих Мерц, лидерот на конзервативната Христијанско-демократска унија (ЦДУ) кој се очекува да биде новиот германски канцелар.
Според неофицијалните резултати засега демохристијаните имаат 29%, втора партија се ултрадесничарите АфД со 19,5%, Социјадемократите на Шолц 16%, Зелените 13,5%.
Денешните избори во Германија се оценети како најважни после Втората светска војна.