Во рамките на подготвителниот период, денес во Охрид на теренот со вештачка трева, во пријателски натпревар, прилепскиот второлигаш Победа одигра без победник 1-1, во дуелот со прволигашот Металург. Скопјани поведоа во 7-та минута преку Благоја Наумовски, кој вешто искористи неуспешна офсајд стапица, а Победа израмни со голот на Дунимаглоски во 26-тата минута, кој со силен удар ја затресе мрежата завршувајќи ја акцијата по шутот на Талески и повратната топка на Иваноски.
Тоа беше меч со малку шанси, а многу трка и игра меѓу двата 16-тника на некомплетниот прилепски и младиот скопски состав. Двајцата тренери Крстески и Мацков им дадоа шанса на сите играчи кои им беа на располагање за овај натпревар, со напомена дека во тимот на Победа ги немаше: В. Петрески, Шаркоски, Димитриоски (повредени), и оправдано отсутните Колески и Гешоски.
Победа утре од 13 на стадионот со вештачка трева го игра 4-тиот пријателски натпревар со третолигашот Вардар Неготино, денес е договорен 5-ттиот тест меч со српскиот прволигаш Радник Сурдлулица во недела на 7-ми февруари во Охрид, на 10-тти е закажан меч со третолигашот Новаци, на 14-тти е учеството на меморијалниот турнир ,,Вуко Каров,, и генералката на 20-тти февруари со Велазерими во Прилеп.
