Триесет и шестгодишниот Филип Мирчески е новиот шеф на Стручниот штаб на ФК Победа, откако оставки поднесоа Стојанче Дунимаглоски и тренерот на голманите Дејан Кебакоски.
Мирчески е поранешен капитен на Победа и 11 Октомври, двапати избран за спортист на Прилеп. По завршувањето на играчката кариера, успешно ја продолжи својата тренерска патека. Со младинската екипа на Победа ја освои шампионската титула во сезоната 2021/22, а во есента 2023 година ја предводеше и сениорската екипа во Втората лига. Дополнително, ја водеше генерацијата на Победа во Младинската лига на шампионите на Европа.
Покрај тоа, Мирчески беше директор на Младинската академија на Победа, а е и основач на приватната фудбалска школа „Вондеркидс“.