Денеска Прилеп ќе биде домаќин на уникатниот настан „Петок во пет“ – место каде што се спојуваат идеи, луѓе и инспиративни приказни, а од тие средби се раѓаат нови визии и промени. Настанот ќе се одржи на Тениски, и тоа по четврти пат.
Публиката ќе има можност да ги слушне мотивациските и визионерски говори на:
-
вон. проф. Христијан Ѓорески – истражувач и визионер во областа на вештачката интелигенција и машинското учење, чија работа ја позиционира Македонија на глобалната научна сцена,
-
проф. д-р Ана Стојаноска – реномиран театролог и авторка, која својата љубов кон драмата и театарот ја преточува во инспирација за генерации студенти и обожаватели на сценската уметност,
-
д-р Самоил Самак – пионер во современите композити и роботика, генерален директор на „Микросам“, компанија што претставува гордост и симбол на македонските технолошки иновации.
„Петок во пет“ е дел од мрежата на школата за млади лидери на поранешниот претседател на Република Македонија, и е иницијатива на Иванов Алумни Асоцијацијата (ИСЛАА).