Повеќе ја нема автентичната куќарка на дрво во паркот кај Основниот суд во Прилеп
-По укажување на инжењерите за хортикултура дека дрвото е со скапана срцевнина и веднаш мора да се демонтира куќарката направена врз гранките, рано утрово една од поголемите гранки падна, велат од ЈКП Комуналец Прилеп.
Од таму додаваат дека дрвената куќарка била одмонтирана во текот на вчерашниот ден, а во текот на денешниов ден комуналците покрај падната гранка, комплетно ќе го сечат и старото и дотраено дрво кое е проценето дека е во крајно ризична состојба.
Дрвената куќарка во паркот кај судот беше атракција за најмладите, а сега повеќе ја нема.