Еден од најпознатите новинари од Прилеп, Дарко Штаргоски, преку јавна објава на својот Фејсбук профил даде осврт за синоќешниот начин на празнување на 11-октомври во центарот на Прилеп.
-Значи 11 Октомври е празник за народот, бидејќи е еден од најсветлите датуми во нашата историја и бидејќи народот сам си ја донесе слободата. А не е празник за одбрана група луѓе.
За прв пат во историјата просторот каде се одвива главната манифестација за празникот не беше достапна за обичните граѓани, туку просторот беше заграден со метални огради и имаше огромно полициско обезбедување.
Внатре во тој обележан простор можеа да влезат луѓе само со посебни пропусници. Вака не се одбележува празник. Се плашиме од некого? – напиша Штаргоски.