Заврши гласањето во Србија и Унгарија, а првичните резултати укажуваат на огромна победа на политичките партии предводени од Орбан и Вучиќ.
Противкандидат на Орбан е Петер Марки-Заи, кој е на чело на опозициската коалиција која се обедини во желбата да го собори.
Гласачките места низ Унгарија се затворени во 19 часот по средноевропско време, но според унгарската новинска агенција, доколку некој веќе чекал на ред за гласање во тој момент, сепак можел да гласа.
Според резултатите од постизборната анкета спроведена од агенцијата Медијан, унгарската владејачка коалиција на партиите Фидес и Христијанско-демократската народна партија се победници на парламентарните избори со 121 место во 199-членото собрание.
Ситуацијата во Србија е слична, секако, во полза на Александар Вучиќ. Од досега преброените гласови, коалицијата предводена од СНС
има освоено 54% од гласовите.