Денеска во ООУ “Добре Јованоски” – Прилеп се одржа општински натпревар по физика.
На натпреварот беа пријавени 51 ученик, и тоа 34 од осмо оделение, 17 од девето оделение. Натпреварот се состоеше во решавање на пет нумерички задачи од кои секоја носеше по 20 бода. Времето на решавање беше 120 минути.
Комисијата составена од менторите на самите ученици, после завршување на натпреварот ги прегледаа решенијата на задачите и бодовните резултати за секоја задача и вкупно ги испратија до државната комисија за организирање на натпревари по физика.
Комисијата пак треба да ги објави конечните бодовни листи за секој ученик, како и листата со пласирани ученици на регионален натпревар. Училиштето домаќин на сите учесници и нивните ментори им подари по еден скромен подарок, со кој ќе се сеќаваат на овој општински натпревар и воедно на сите учесници им посакува што подобри резултати во понатамошните натпревари на регионален и републички натпревар.
