По најавата дека корисниците на „блекбери“ веќе нема да можат да ја користат апликацијата „Ватсап“, од „Фејсбук“ доаѓа уште една разочарувачка вест. Имено, социјалната мрежа „Фејсбук“ реши по 31 август да престане да пружа поддршка за својата официјална апликација на уредите „блекбери“.
За сета среќа, сопствениците на „блекбери“ нема во потполност да останат без пристап на социјалната мрежа, откако „Фејсбук“ ќе ја укине официјалната поддршка за својата апликација.
Од „Блекбери“ порачуваат корисниците да почнат да ја користат веб-верзијата на „Фејсбук“ бидејќи е во прашање најдобра алтернатива.
-Дадовме сѐ од себе заедно со „Фејсбук“ да ги смениме работите, но овојпат се чини дека одлуката е конечна. И покрај овие лоши вести, напорно работиме на нашите корисници да им пружиме најдобро корисничко искуство и бараме алтернативни решенија, соопштија од „Блекбери“.
На почетокот на месецот, чет апликацијата „Ватсап“, која се наоѓа во сопствеништво на „Фејсбук“, исто така, најави дека корисниците на уредите „блекбери“ нема да можат да ја користат, освен ако не го поседуваат моделот со андроид „прив“.