Од политичка говорница до платно со бои – Пратеничката Кузманоска докажа дека уметноста е нејзин втор јазик (ФОТО)

Пратеничката од Прилеп, Билјана Кузманоска, беше дел од настанот ART Wednesday: Starry Night, каде заедно со повеќе уметници создадоа своја верзија „Ѕвездената ноќ“ од Ван Гог.

-Како пратеничка која ја почитува уметноста и дава несебична поддршка на креативците, особено на младите луѓе кои знаат како да го раздвижуваат урбаното јадро во Прилеп и кои умеат да креираат маѓија за заедницата, ми преставуваше особена чест што бев дел од еден несекојдневен настан – ART Wednesday: Starry Night

Во топла и креативна атмосфера, инспирирани и поттикнати од Ван Гог, заедно сите ја создававме својата верзија на неговата „Ѕвездена ноќ“. Беше прекрасно чувство да се препуштиш на боите и четките, без разлика на искуството.

Голема благодарност до Art Host за организацијата и за тоа што ни овозможија да ја почувствуваме магијата на уметноста одблизу – напиша Кузманоска на социјалните мрежи.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.