Постојано слушаме за нови работни места и отворени работни позиции во многу фирми, гледаме огласи објавени од компаниите, слушаме на радио и телевизија, читаме во весници…., но ретко кога некој сам објавува оглас, особено на ваков начин и бара работа.
Маркукуле наиде на интересен оглас во центарот на Прилеп, кој ќе ве изнасмее.
“Барам работа, да пасам крави, 10-12 за летово”, напишал непознатиот јунак на својот оглас.
Иако ви изгледа чудно и смешно, сепак на човеков треба да му се честита, не само за тоа што објавил оглас дека бара работа, туки и за работата која ја бара, бидејќи ретко постои некој кој сака да го работи тоа, особено младите.
Човекот има оставено и телефонски број, кој нема да го објавиме, со цел да не бидеме сфатени дека го исмеваме. Доколку постои некој кој ја нуди оваа работа, контактирајте не, ние ќе ви доставиме негов телефонски број.