Во петтото коло од првата пингпонгарска лига, екипата на Младост 96 издвојува очекувана победа против екипата на Куманово со резултат 5-2. Ова беше рутинска победа на младата екипа на Младост 96, и со оваа победа на табелата беше задржано второто место. Три победи издвојува Александар Рикалоски и две победи отидоа на контото на Антонио Стомнароски. Како трет играч беше Христијан Иваноски кој ги забележа двата порази. Во наредното коло екипата на Младост 96 ќе гостува во Кочани кај истоимената екипа. За приматот есенски првак во првата пингпонгарска лига ќе одлучува последниот дуел со екипата на Ѓорче Петров од Скопје.