Како општествено одговорен клуб, Шаховскиот клуб “Прилеп”, минатата година во февруари постави четири шаховски табли и клупи, со цел овој спорт да стане уште повеќе достапен за сите – и млади и возрасни, и секој рекреативец да може да помине убаво време, играјќи шах на градскиот плоштад со близок пријател, другар, познаник….
И сето тоа убаво, но народецот би рекол: “На која глава?”
И токму така, “на која глава”, не помина ни година дена шаховските табли ги снема, а сега целосно се уништени и клупите…. веројатно кај да е ќе ги демолираат и масите.
Изработени од бетон, некои празни глави некако успеале да ги испокршат и уште еднаш да покажат колку сме назад како општество, колку само треба да работиме на културата и свеста…
