Регулаторната комисија за енергетика денеска попладне ќе ги објави новите цени по кои по полноќ ќе се продаваат нафтените деривати на бензинските пумпи низ Македонија.
Минатата недела Регулаторната комисија за енергетика ги зголеми цените и тоа за 1 денар на бензинот и за 1,5 денари на дизелот.
Во моментов 95 октанскиот бензин чини 78 денари, 98 октанскиот 80,5 денари а дизелот се продава по 72,5 денари. Тоа е највисока цена на горивата од август минатата година.
Имајќи ги предвид движењата на цените на светските берзи, очекувано е и денеска да добиеме ново поскапување.
Цената на суровата нафта во моментов се движи над 81,5 долари за барел што е значително повеќе од оние нешто над 77 долари по кои нафтата се продаваше на крајот од минатата недела.