Црковниот храм Св.Кирил и Методиј – Параклис од Прилеп ги повикува учениците и нивните родители во сабота (31.08) со почеток од 07часот, да присуствуваат на молебен канон за благослов на новата училишна година.
Во продолжение поканата од храмот:
-Детето со својата природна невиност, незлобливост и чистота личи на Бога. Ништо на светот не ни предава поуспешна икона на убавината Божја од самото дете, и тоа пред сè насмевката и погледот на детето. Тоа ништо не очекува со упорност, не прави планови, нема интереси, не е лицемерно.Ним Бог со најпривлечни игри им дава голема надеж дека ќе останат деца Негови и дека ќе Го сретнат и добронадежните ги прави Свои синови. Затоа и Христос вели:„Оставете ги децата да доаѓаат кај Мене… зашто на таквите е Царството Божјо“ (Марко, 10, 14).
ЗАТОА КАКО И СЕКОЈА ГОДИНА ТАКА И ОВАА БРАТСТВОТО ПРИ ХРАМОТ СВ.КИРИЛ И МЕТОДИЈ(ПАРАКЛИС), ГИ ПОВИКУВА СИТЕ ДЕЧИЊА ОД ОВОЈ ГРАД НА 31.08.2024 ГОДИНА, САБОТА, СО ПОЧЕТОК ОД 07 ДО 08:00 ЧАСОТ, НА МОЛЕБЕН ЗА ПОЧЕТОК НА УЧЕБНАТА ГОДИНА ВО ХРАМОТ СВЕТИ КИРИЛ И МЕТОДИЈ (ПАРАКЛИС).