Диего Армандо Марадона е постојана мета на критики поради бурниот живот кој го водел.
На славниот Аргентинец, кој моментално е тренер на мексиканскиот второлигаш Дорадос, по се изгледа му здодеа постојано да биде под удар, па реши да им одговори на критичарите.
“Тие кои ме прозиваат, се дрогираат како и јас. Mногумина од нив се преправаат дека се светци, а во реалноста конзумираат квалитетни дроги. Ако ме прашате како го знам тоа, ќе ви одговорам: Се дрогиравме заедно”, без влакна на јазикот одговорил Марадона.
И не застанал на тоа:
“На многумина и децата им се нарокомани. Луѓето за кои зборувам се политичари и претседатели во големи компании. А мене ме кажуваат како лош пример”.
Maрадона на крајот заклучил:
“Времето е најдобар судија. Тоа ќе покаже дали сум во право. Ќе видете”.
