Порталот „Политико“ со седиште во Брисел изготви листа од 28 најмоќни Европајци, а на челна позиција и како најмоќен во 2020 го гледа францускиот претседател Емануел Макрон – пренесува “Експрес.мк”.
Според авторите, Макрон можел да го искористи вакуумот создаден од Брекзит и слабоста на Германија, тој успеа да го налути Европскиот парламент кога го критикуваше изборниот систем и се обиде да го изманеврира изборот на Урсула фон дер Лејен, но исто така се спротивстави на сегашната политика за проширување на ЕУ и спречи започнување преговори за пристапување со северна Македонија и Албанија, пренесува Танјуг.
На списокот на кој се наведени уште 27 лица, најзвучни имиња се секако Владимир Путин и Ангела Меркел.
„Политико“ потсетува дека рускиот претседател во текот на изминатите пет години нелегално го нападнал Крим, се вмешал во претседателските избори во САД, киднапирал украински брод, го го поддржувал сирискиот диктатор (Башар ел Асад) и бил обвинет за труење со поранешен Русин шпион Сергеј Скрипал.
За некој кој е канцелар на Германија веќе една деценија и половина, Меркел направи изненадувачки малку, оценува порталот. Точно е дека некои го припишале на заштита на еврото, но исто така истакнува дека „многу економисти тврдат дека направила повеќе штета отколку добро – ја продлабочи кризата во Грција и не направи ништо за решавање на нееднаквоста во еврозоната“. Како минус Меркел е запишана и во миграциската политика.
Извор: “Експрес.мк”