Жена од Северна Каролина, САД, сакала да му одржи лекција на својот сопруг во врска со лотаријата, но наместо тоа таа добила голема животна лекција.
Гленда Блаквел од Лестер била уморна од нејзиниот сопруг кој постојано трошел пари на лотарија. Во саботата, тој и рекол да му купи неколку ливчиња за лото извлекувањето. Наместо тоа, таа купила грепка од 10 долари.
– Јас само сакав да купам грепка колку да му покажам дека никогаш не се добитни. Понекогаш сум му многу лута и му велам: „Само си ги трошиш парите“, изјави Гленда за Си Ен Ен.
Очигледно Гленда треба почесто да му се лути на својот сопруг. Грепката што ја купила од лутина и донела 1 милион долари.
– Морав да си изедам зборовите, но вредеа да се јадат, рече Блаквел.