Во ООУ “Климент Охридски” веќе се навикнавме секојдневно да гледаме новитети и нови вложувања, се со цел подобрување на условите за настава и овозможување на пријатен престој за учениците.
Директорот Ахил Јаков денеска се пофали со новиот лик на спортската сала, која е претворена во вистинско ремек дело.
“Спортската сала е срце и огледало на училиштето, сите ние како спортисти, сонувавме да имаме убава сала,но не секогаш ни беше удоволено, а сега заедно сите како колектив се погриживме спортската сала да биде една од најубавите во Македонија, затоа од се’ срце се надевам дека многу многу успешни спортисти ќе излезат од оваа сала“, напиша на Фејсбук директорот Ахил Јаков.
Претходно нов лик добија и ходниците од училишната зграда за паралелки за деца со посебни потреби.
