Од 6. септември во градот Кавадарци започнува традиционалната манифестација „Тиквешки гроздобер 2018” со тродневна целодневна и вечерна програма.
Градот Кавадарци со задоволство ги кани сите граѓани да бидат дел од оваа голема манифестација, каде ќе се задоволат сите вкусови – ќе се врати традицијата, но ќе има и моменти на забава за сите возрасти.
Дека Кавадарци и овој Гроздобер ќе биде центарот на случувањата, говори и пребогатата програма каде се предвидени турнири, изложби, традиционалниот тиквешки карневал и бројни музички ѕвезди кои ќе имаат свој настап на централната бина на градскиот плоштад.
Посетете го Кавадарци и уживајте!