Во финалето на фестивалот „Беовизија“, Србија вечерва ќе го избере својот претставник на „Евровизија 2019“. Српските новинари го искористија присуството на Калиопи во Белград, за да ја прашаат за нејзиното искуство на европскиот фестивал.
Според новинарката, пејачите на „Евровизија“ најчесто се жалеле дека учеството е доста напорно, со многу проби, но и многу притисок.
На оној кој му пречи, тој е на погрешно место. Јас тоа не го доживеав така, јас едноставно уживав од првиот до последниот ден во целиот процес, бидејќи не се претставував само себеси, туку и својата земја, а кога ќе ја претставуваш својата земја мораш да дадеш 10 пати повеќе од тоа што си навикнат, вели Калиопи.
