Екипата на Алкалоид направи голем успех за македонскиот ракомет со пласман во финалето во Европскиот Куп на ЕХФ преку норвешки Рунар Сандефјорд.
Тимот предводен од Кирил Лазаров, а составен од 95% македонски ракометари, дојде до мечот за трофеј по изведување на седмерци. На радоста ѝ немаше крај, а играчите прославија со „осмиот играч“ – публиката.
Стотици Македонци дадоа поддршка за Алкалоид на ова гостување, претежно нашинци кои живеат во земјата. Честитки пристигнаа и од г-дин Живко Мукаетов, Генералниот директор и Претседател на УО на Алкалоид АД Скопје.
